Telegram Group Search
ابوذيات للامام الكاظم عليه السلام
مهيمن يوسف الموسوي ١٤٤٥هـ ٢٠٢٤م

على الكاظم دمع عيني وسيله
إمامي بالدعه إلنه وسيله
الحوائج يگضي لو أگصد وسيله
بمصابه اعتني للكاظمية

بولائي كل خطر منه وسلم
إذا زرت الولي الكاظم وسلم
عمري ينكضي كله وسلم
أجر وبدنيتي و يوم المنيه


مهيمن يوسف الموسوي
٢٧ رجب ١٤٤٥هـ
٢٠٢٤/٢/٨م يوم الخميس ١:١٠م
للمبعث النبوي
مهيمن يوسف الموسوي ١٤٤٥هـ ٢٠٢٤م

نبينه بكل فخر لجله وَدّينه
نحبه و نلتزم بأمره ودينه
سلام بشوگ نبعثله ودِينه
رحمه انبعث لاهل البريه

يربّي قدّر ارزقني وأمر بيه
ازوره المصطفى بلهفه ومر بيه
ولائي بالگلب دايم ومربيه
يوالي المصطفى و حامي الحميّه


.........
بفضل النبي المصطفى دين الجلاله وصل
دايم نبينه يظل النه شفيع و وصل
حين الدعه نذْكره انسلّم محبّه وصل
بدينه نظل نلتزم بقوه و ثباته وجد
نفسه فلا بالارض يلكه الموالي وجد
الطـٰـه يظل كل محب کلبه الرسوله وجد
حگه نبينه علينه بهالمحبّه وصل


مهيمن يوسف الموسوي
٢٨ رجب ١٤٤٥هـ
٢٠٢٤/٢/٩م يوم الجمعة ٨:٤٥م
ابوذيات ولادة الامام الحسين عليه السلام
مهيمن يوسف الموسوي ١٤٤٥هـ ٢٠٢٤م


لحسين الولي محفل حيينه
بولائه وذكره كلنه من حيينه
إذا نبعث سلام بشوگ حيينه
لابن خير البشر و ابن الزجيّه

إمامي ثابت بنهجه وسر بيه
وذكره بمولده بشوگي وسر بيه
ولائي ما خفي اعلن وسربيه
حسين و حبّه يبقه للمنيّه

دليلي بحب ابو اليمه ولا زل
ثبت من عالم الذر دوم ولازل
ولائه بالگلب يبقه ولا زل
على الناس افتخر و بهالقضيّه

اليعادي العتره كلها ولا ردّ
يظل ذكري بابو اليمه ولا رَد
و على كلمن يعادينه ولا رِد
موالي و افتخر بين البريه

حُسين بمولده حزني وحِلّه
ولائه و كل ذكر منه وحْله
بروحي و الگلب يزهي وحُلّه
حياتي امنوّره تصبح زهيّه

مشاعر بالگلب لجلّه وحسين
إمامي بمولده اذكر وحسين
فضله باقي كل عمري وحسين
ديني و الفكر حسّن سويّه


مهيمن يوسف الموسوي
٢ شعبان ١٤٤٥هـ
٢٠٢٤/٢/١٣م يوم الثلاثاء ٦:٣١م
Forwarded from الشاعر مهيمن الموسوي (مهيمن يوسف)
للإستشهاد الامام علي " عليه السلام"
لحن : حاجيني يا ارض الشام ، باسم الكربلائي


تاسع عشر من رمضان صار الحزن بالأكوان
أعظم جرح بوجه الصبح
صار الحزن بالأكوان
..............
بفجر تاسع عشر رمضان جرح صاير أشد لجروح
إمام المتقين إنصاب راسه منطبر مجروح
بالسيف انطبر حيدر دمّه عالأرض مسفوح
ركن من الديانه طاح بمحرابه صُبح مطروح

طايح إمامي الكرار راسه نطبر من غدار
دمه يسح بوجه الصبح
صار الحزن بالأكوان
..............
مثل طود الجبل و انهار علي حين انطبر مغدور
وبسيف الغدر صابوه بالهامه تره مطبور
بصلاته حيدر الكرار تصيبه أهل العده و الجور
تحده المجرم بفعله و هدّم للديانه سور

جرحه علي بالمحراب دين النبي بيه انصاب
هذا اتضح بوجه الصبح
صار الحزن بالأكوان
..............
و بجرح الولي الكرار تغيّر كل نظام الكون
سمه و ارض و كواكب حيل علامات الحزن و تكون
يحسها كل محب ويشوف متكدره و نظرها شلون
نظر واعله السمه بعينه بيها للحزن هاللون

و شاف الموالي المهموم شيعة علي تبجي اليوم
كلشي صُبَح بوجه الصبح
صار الحزن بالأكوان
..............
حين اللي درت كلها علي براسه انطبر هاليوم
موالينه إجو لجله تشوف المرتضى المظلوم
مصيبه اتصيح وا ويلاه حزنانه بگلب مالوم
تدعي بالشفاء ايكون بٱمر الخالق القيوم

ليش انطبر من اشرار هذا الوصي للمختار
صار المدح بوجه الصبح
صار الحزن بالأكوان
..............
لجل المرتضى صارت ملائكة السمه السبعه
حزنانه على الكرار مقهوره لجل وضعه
و صارت تبعث الاحزان ولحيدر صفت تنعه
حقها للوصي تحزن ربنه هواي ومرفعه

فضله و مقامه عالناس عالي و كثر ما ينقاس
هو اليصح بوجه الصبح
صار الحزن بالأكوان
..............
مغدور الوصي مولاي وباحسن شهر هوه
أبن ملجم يضربه حيف ابد ما شايل امروّه
رغم چان ابرباته سنين طلع خاين بلا نخوه
خان اللي يعيشيه اوياه نذاله بطبرته سوّه

و شگد حقد عنده هواي للمرتضى ايغدره بهاي
حيف و فرح بوجه الصبح
صار الحزن بالأكوان
..............
تأذّه المرتضى بجرحه والهامه نزفها الدم
تلوّع من طبرته هواي إمامي هواي متألّم
و رغم هذا بقى بصبره أمره للصمد سَلّم
يدري ابموتته گربت لجله حيدره مهتم

جهز وصيته المعصوم وجرحه و طبرته ادموم
كلشي انطرح بوجه الصبح
صار الحزن بالأكوان
..............


مهيمن يوسف الموسوي
Forwarded from الشاعر مهيمن الموسوي (مهيمن يوسف)
للإستشهاد الامام علي " عليه السلام"
لحن : شفت الفصول الاربعة ، باسم الكربلائي


حيدر علي راسه انطبر صابه العده باعظم شهر
دمّه يسيل اعلى الأرض و صار الموالي منقهر
......
لمّن يصلي للصمد خاشع إلىٰ رب السمه
حيدر اجه ليه العده راسه نطبر نازف دمه
بالهامه صارت طبرته من الأعادي الظالمه
بفعله ابن ملجم فلا روحه ابد ما نادمه

يضرب إمامي حيدره وبكل خيانه يغدره
بسيف الحقد من يطبره بخسّه و نذاله والغدر
......
يطبر وصيّ المصطفى وبكل غدر من انضرب
ما عنده جرئه ايواجها ما يگدر اويا بالحرب
وشگد لئيم بفعلته و خلّه الدمه منه يصب
رحمه فلا عنده ولا صاير يرف لجله الگلب

خاين إمامه و سيده انذل شخص من العده
روحه شكثر من حاقده للمرتضى فارس بدر
......
بهاي المصيبه كل خلق والحيدره عقله نذهل
هذا الوصي هذا الولي تالي انطبر من النذل
يغدر ابن عم النبي راد بضربته ينقتل
راسه انگسم حيدر وسف و بطبرته راح الامل

آخر حياته نعرفه بيها الألم و نوصفه
بس الحزن بالعاطفه لمّن بده ايروح العمر
......
ظل حيدره و بطبرته عانه شكثر منها الألم
نفسه تلوع امن الجرح حگه تره راسه نگسم
حاله صعب ما ينوصف حين العده جاه بظلم
يغدر إمامي و يضربه ماكو مثلها بالأمم

بمصابه صارت شيعته تدعو ايتشافه ابطبرته
الها يرد و بصحّته يرجع علي وبلا ضرر
......
لمّن درت كل شيعته صارت حزينه و بس تون
متجمعه ابابه كثر رادت تشوفه و تطمئن
للمرتضى صار المحب گلبه بقهر و بهالمحن
محنه و مصيبه بلا شبه جرحه علي بهذا الزمن

هذا علي بوصفه حرت وشما اوصّف لو گلت
جن و انس كلها درت و بطبرته حزنت كثر
......
كل الملائك بالسمه حزنانه لجل امصيبته
لمن درت حيدر اله اتعنه العده و بضربته
عرفت علي براسه نطبر تنزف صفت كل هامته
و جسمه انمله بسم العده ضربة عدوّه أذّته

مقهوره حيل تلوعت بقهر و مناحه اصبحت
بهاي الرزيه واعرفت قربت منيته بهالأمر
......
بين الموالين اصبحت والهالمصيبه الفاجعه
حسره بگلبها و الشجن صارت كثر متروّعه
للمرتضى بطول الوكت يهمل صفه كل مدمعه
تدري علي بموته گرب صارت إله و تودّعه

منهو بعد حيدر علي الها يصح نفسه ولي
لموته الحزن ما ينجلي يبقى مصابه ينذكر
......

مهيمن يوسف الموسوي
1444هـ 2023م
Forwarded from الشاعر مهيمن الموسوي (مهيمن يوسف)
للإستشهاد الامام علي " عليه السلام"
مهيمن يوسف الموسوي


يا بالحسن ويّاك هالشيعه ما تنساك
تنصب عزيّه بهاي الرزيّه
هالشيعه ما تنساك
.............
يالمرتضى وكل شيعتك كل الموالين
بمصيبتك من تذكرك هماله هالعين
هاي الرزية باقيه موجوده لسنين
ننصب الك نبقى العزه رغم المعادين

يا حيدره مولاي باقي المحب وفّاي
حدّ المنيّه بهاي الرزيّه
هالشيعه ما تنساك
.............
يا سيدي و بمقتلك اعظم مصيبه
لجلك بجه بحسره المحب عالي نحيبه
عنه ارحلت و بموتتك صعبه و عجيبه
وبغيبتك مثلك فلا احنه نجيبه

بيك المحب مهموم يچي عليك ادموم
صار بأذيه بهاي الرزيّه
هالشيعه ما تنساك
.............
تدري شجانه يالولي شفنه المعانات
لكن فلا نتركك نظل يا بو الكرامات
نبقى نردّد يا علي بهاي العبارات
إنته إمامي و افتخر يا طيّب الذات

ومصيبتك بالروح عنه ابد متروح
تبقى وصيّه بهاي الرزيّه
هالشيعه ما تنساك
.............
بينه تعيش امصيبتك نذكرها كلنه
يا سيدي بحسره وقهر هامل دمعنه
بطول السنين و باقيه رغم اليضدنه
وشكد يأذينه و فلا هو منعنه

ثابت عهدنه دوم ميهمنه كل اللوم
بين البريّه بهاي الرزيّه
هالشيعه ما تنساك
.............
حين تصلي نذكرك لمن يغدروك
و انته ابن عم النبي كلهم يعرفوك
تالي بخيانه تنقتل هيجي يجازوك
بحقد و نذاله منطبر من اليعادوك

بكره و حقد مصيوب راسك وسف مضروب
فوگ الوطيه بهاي الرزيّه
هالشيعه ما تنساك
.............
ننصب الك هذا العزه بحسرة گلبنه
نار الحزن متلهّبه هذا وضعنه
و المقتلك يا سيدي هامل دمعنه
و هاي الرزيه و الحزن باقي المنه

منّه تهل دمعات للمرتضى بحسرات
وبكل مسيه بهاي الرزيّه
هالشيعه ما تنساك
.............
فضلك إمامي و مقتلك دايم ذكرها
ليش الأعادي ظلمتك و بكل غدرها
بالمسجد او جاك العده و واضح أمرها
تنهي حياتك يا علي و طفّت بدرها

نورك علينه غاب لمن إجاك إصواب
بونّه شجيّه بهاي الرزيّه
هالشيعه ما تنساك
.............
مهيمن يوسف الموسوي
بحق الامام علي "عليه السلام" ١٤٤٥هـ ٢٠٢٤م
مهيمن يوسف الموسوي

مقتلك أذّانه يا علي مولانه

*١*
يا علي بكل عام حزنك سيدي يتجدد
باقي ذكرك ما نتركه بهالأمر نتّعهد
كل موالينك يحيدر بالحزن ما تنعد
هالعقيده ثابته بالزمن تتخلّد
نفدي كل ادمانه يا علي مولانه

*٢*
سيدي واجب علينه هالأمر منعوفه
بيك كلّ الحق مسيره ما يزل ونشوفه
لو نذكرك وبصفاتك عالملا معروفه
من عدوك منطبر بيها الغدر موصوفه
بالقهر تبيانه يا علي مولانه





*٣*
وبمماتك يا علي مثلك ابد ما شفنه
ساجد بمحراب تعبد و العده يتعنه
هامتك بالسيف يطبر وبخيانه منه
يا إمامي ولمصابك وبكثر ألّمنه
ظل يعيش اويانه يا علي مولانه

*٤*
يا علي وشلون نترك هالحزن و الطبره
كل سنه لجلك مجالس ننصبه وبحسره
بالگلب مولاي حزنك والجرح ما يبره
كل صفاتك و الفضل عند الموالي ذكره
عالصدك خلانه يا علي مولانه

*٥*
يا ولي و اول لأئمّه من بعد هادينه
شلون ابن ملجم يغدرك هالأمر ماذينه
وانته للمختار تنصر عالعده كل دينه
عالبشر نذكر مصابك يا علي تدرينه
لو كثر عدوانه يا علي مولانه



*٦*
يا مصيبه اعلى البشر تشبه مصابك حيدر
من شخص خاين عشرتك وبنذاله يغدر
بسيف مسموم و يضربك هامتك تتطبر
وانته تعبد خالقك ربنه الجليل الاكبر
وبألم سوّانه يا علي مولانه

*٧*
سيدي يا بالحسن لجلك عهد و نقدمه
يفدي دمه و كل حياته بالموالي هَمه
من اجل ذكرك امامي لو يقدّم دمّه
رايدك ترضه لعطائه بهالقضيّه اتسلمه
لو أذه اتعنانه يا علي مولانه




مهيمن يوسف الموسوي
٢٧ رمضان مبارك ١٤٤٥هـ
٢٠٢٤/٤/٦م يوم السبت ٢:٠٥م
تعزية للامام المنتظر عج
بشهادة الإمام الصادق عليه السلام

نبعث بحسرة گلب واشجانه
للامام المنتظر مولانه
.......
بهالمصيبه كل موالي بالحزن
صادق العتره اله يبچي و يون
دمعته تسري بقهر و بكل شجن
زيّدت هاي الرزيّه احزانه
.......
جعفر الصادق اله باقي الولاء
نذكره مصابه بألم وبهالعزاء
شنهو وضعك سيدي تبچي بدماء
حاضر بهذه العزه ويّانه
.........
يا ابو صالح عليك اچم مصاب
گلبك و روحك تون رغم الغياب
و بمصاب الصادق وصرت بعذاب
كل دليلك والحزن عنوانه
.........
تذكر الصادق لَمَن ضدّه العده
ليش كلها عادته و هم تضهده
قلّه من شيعة علي من تسنده
عايش ابأصعب وضع دنيانه
.........
عانه انواع الظلم من تذكره
من اميّه اهل الحقد و الجائره
وي بني العباس بس تكره تره
بس حقد وشگد أذه بعدوانه
.........
حالك الصاير يبن خير الأنام
بهالمصيبه اللي تأذي يا إمام
جعفر الصادق يسموه اللئام
نحزن اوياك بكثر خلّانه
.........
بالمجالس من اجيت بيا وضع
من تشوف الشيعه تبجي تهل دمع
من اجل صادقنه كل هذا الجزع
هالمصاب و ننقهر سوانه
.........
يا صبر عندك إمامي يا صبر
هالرزيه سيدي بيها القهر
و المناحه و الحزن عدها كثر
عندك هواي الجزع و اركانه



٩:٠٩م
تمت و الحمد لله
مهيمن يوسف الموسوي
٢٦ شوال ١٤٤٤
٢٠٢٣/٥/١٧م يوم الاربعاء
Channel name was changed to «مهيمن الموسوي»
Channel name was changed to «الشاعر مهيمن الموسوي»
شوط كربلائي للامام الصادق عليه السلام
مهيمن يوسف الموسوي ١٤٤٥هـ ٢٠٢٤م

مصاب الصادق نذكره و نجدّد هالعهد وياه
برزيته مجلس انصبه على كل البشر ذكراه
*١*
صادق جعفر بقوله و كلها ساعده بصدقه
يجاهد من أجل دينه و فكره اعله النصر حقّه
ينصر منهجه و دينه يريده بهالأمر يبقه
امامه الرافضه نعرفه
نذكر والجره بظرفه
لأمر هذا فلا يحرفه
ثبت عند البشر كلها امامي بالذي سوّاه
*٢*
نصر دين النبي بعلمه علومه و معرفه عنده
ورثهن علمّه ربّاني من المصطفى جده
و من باب العلم حيدر علمه هواي شيحده
شهدله القاصي و الداني
جعفر علمه رباني
بفضله معتقد آني
مثل نور اليشع علمه فلا احد گدر يدناه
*٣*
رغم فضله و مقامه الي إمام اعله الإنس و الجان
لاكن كارهينه شگد يأذّونه شكثر عدوان
بني العباس يا وسفه منهم شايف الخذلان
يكيدونه و يعادونه
حسافه من يكرهونه
بأذه و الهم يخلّونه
إمام ضدّته و تحقد عدوّه يا وسف جازاه
*٤*
من ظلم العده و جوره إمامي مضطهد منهم
لاكن ما ترك نهجه يضد كلمن تره يظلم
وبرز مذهب علي جده بالشيعه شكثر مهتم
وشگد حاولو غدره
گصدهم ينتهي فكره
عدوه ما وصل لأمره
رغم حاول يقتلونه خسه و الحقد باعداه
*٥*
مصائب شاهد بكثره و ألم من اليبغضونه
فلا راعو مقامه الي ابن طه يعرفونه
و يشاهد جعفر الصادق عدوه من يكيدونه
ضد وضعه فلا خلوه
يا وسفه شكثر أذوه
بني العباس من عادوه
باصعب كل وضع عنده إمامي امن العده يلكاه
*٦*
مصاب الصادق شكبره يفتت كل صخر موجود
إمام و من نسل طاهر نسب للمصطفى مسنود
و على خط النبي بدينه نهجه بهالأمر معگود
يسمونه بغدر و أحقاد
فلا بيهم كلام الفاد
لاجن ربنه الأمر من راد
فلا ضد القدر احنه لچن بالسم الف ويلاه
*٧*
مصيبه اعليها حزنانه ملائك و الإنس والجن
مدامع كل موالينه على الخد بكثر ذرفن
حزنهم بالگلب عدهم مصايب حيل من أثرن
مصيبة مقتله مظلوم
و مصيبة هالحزن و هموم
على الصادق حزينه الكوم
المدينه أظلمت بعده من خله العده و سمّاه
*٨*
شيعه الجعفريه بهم من بعده الحزن بيها
فگدهم للولي و قتله يقهر حيل ياذيها
ومجالس ناصبه بحسره القهر لجله حضر ليها
مقهوره و تون و تنوح
الى الصادق گلب مجروح
ودمعهم سايله مسفوح
بألم و اشجان مجلسهم الموالي بحسره من خلاه
*٩*
من كل العده الخاين يظلومه بعد موته
يعرفونه بنهج جده هتف واعله الملا صوته
بزمانه راهب الضَدّه يهابه هواي طاغوته
وبعد موت الولي تكرر
لعده ضده بحقد و الشر
حتى مرقده المبني متهدّم الف وسفاه
*١٠*
خلها العالم و تشهد شيعة جعفر الصادق
كل واحد فلا يترك نهجه و عالبشر ناطق
الموالي بهالأمر ميزه بينه اوي العده فارق
بذكره كل حياته يظل
وعن دربه ابد ميزل
نجاته بيه متأمّل
عمرنه بذكره كل لحظه يسري بالمحب بدماه

مهيمن يوسف الموسوي
٢٥ شوال ١٤٤٥هـ
٢٠٢٤/٥/٤م يوم السبت ١٠:٢٩م
2024/05/06 13:00:56
Back to Top
HTML Embed Code: